Një sherr me thika i ndodhur mbrëmjen e së dielës në fshatin Golem i Madh të Lushnjës, ka përfunduar me plagosjen e tre personave. Të tre të plagosurit janë dërguar menjëherë në spitalin e Lushnjës, ku ndodhen jashtë rrezikut për jetën, nën kujdesin e mjekëve, dhe nën mbikëqyrjen e policisë. Burime nga vendngjarja bëjnë me dije se të përfshirët kishin qenë duke konsumuar alkool para se të niste konflikti, i cili dyshohet se ka nisur për shkaqe banale, por ende të paqarta.
Policia vijon punën për zbardhjen e plotë të ngjarjes dhe marrjen e masave të nevojshme ndaj autorëve.
