Një aksident i rëndë ka ndodhur pasditen e kësaj të shtune në qytetin e Durrësit. Rreth orës 17:40, në rrugën “Taulantia”, një automjet ka dalë nga rruga dhe ka përplasur dy këmbësorë.
Të lënduar kanë mbetur 61-vjeçarja Sh.G. dhe 32-vjeçari E.G., të cilët u dërguan menjëherë në Spitalin Rajonal të Durrësit. Fatmirësisht, sipas burimeve spitalore, të dy ndodhen jashtë rrezikut për jetën.
Automjeti drejtohej nga E.Sh., 30 vjeç, banues në Durrës, i cili dyshohet se ka humbur kontrollin mbi drejtimin e makinës.
Grupi hetimor ndodhet në vendngjarje dhe po punon për zbardhjen e plotë të shkaqeve që çuan në aksidentin e kësaj pasditeje.
