Në orët e para të mëngjesit, forcat operacionale të Drejtorisë së Përgjithshme të Burgjeve zhvilluan një kontroll të papritur në Institucionin e Ekzekutimit të Vendimeve Penale të Durrësit.
Gjatë kontrollit, u zbuluan pesë telefona celularë të markës iPhone, të cilët përbëjnë sende të ndaluara brenda ambienteve të burgut. Pajisjet ishin fshehur me kujdes në dyert e dusheve, në ambientet e përbashkëta të Godinës “A”, kati i tretë, Sektori 1.
Sipas të dhënave paraprake, dyshohet se këto telefona i përkisnin të dënuarve Flamur Kapri, Aldo Prifti, dhe V. I.
Autoritetet kanë nisur hetimet për të zbuluar përgjegjësit dhe mënyrën se si sendet e ndaluara kanë arritur të futen në institucion, ndërsa pritet të merren masa disiplinore ndaj personave të përfshirë.
