Policia Rrugore njihet për gjobat e saj në shumë raste të padrejta dhe pashpjegueshme dhe për të denoncuar një situatë të tillë një qytetar i është drejtuar redaksisë tonë.
Ai thotë se ditën e sotme, më saktë para pak minutave, ka marrë dy gjoba nga 3,000 lekë secila brenda vetëm 7 minutash, për automjetin që ka qëndruar i parkuar në të njëjtin vend edhe pse në fletë gjobë adresa është e ndryshme.
Qytetari thotë se ka debatuar me policët për këto gjoba të padrejta, pasi automjetin as nuk e ka lëvizur nga rruga, por shprehet se efektivët e kanë kërcënuar me bllokim mjeti.
Ai kërkon nga autoritetet e zbatimit të ligjit dhe nga inspektimet përkatëse të verifikojnë vlefshmërinë e gjobave, kohën e vendosjes së tyre dhe saktësinë e të dhënave të shkruara në dokumente.
Pasi duhet thënë se për plotësimin e normave të tyre, efektivët e rrugores mbyllin sytë dhe vendosin gjoba ku të munden, pa pyetur fare për rregulla apo Kod Rrugor.
Denoncimi i qytetarit:
“Pershendetje Joq. Brenda 7 minutave 2 gjoba nga 3000 milek. Makina ka qendruar me nje vend , ndersa ne gjoba ka adresa te ndryshme . Ju lutem anonim se na marin inat na bllokojn mjetin kta mafioza. Makina ska levizur fare , debatova dhe donin tma bllokonin pastaj”
