Ndeshja mes AF Elbasanit dhe Vorës në stadiumin “Elbasan Arena” ka degjeneruar në tension dhe kaos mes tifozërive.
Elbasani u mposht 1-2 , por momenti kritik ndodhi pas golit të barazimit nga miqtë. Një grup tifozësh vendas kaluan gardhin rrethues të tribunave duke tentuar të shkonin drejt tifozëve të Vorës për t’u përleshur.
Fatmirësisht, gardhi i dytë mbrojtës dhe ndërhyrja e policisë parandaluan kontaktin fizik mes tyre dhe shmangën përshkallëzimin e situatës. Pas disa minutash tension, gjithçka u kthye në normalitet.
