Policia e Tiranës ka vënë në pranga një 22-vjeçar, pasi gjatë kontrollit u kap duke udhëtuar me një armë zjarri në automjet.
Në kuadër të operacionit të koduar “Confirmation”, u arrestua shtetasi E. B., 22 vjeç, banues në Tiranë.
Gjatë ndërhyrjes në rrugën “Ilia Papanikolla”, Kombinat, shërbimet e Policisë ndaluan automjetin e tij dhe, gjatë kontrollit në sedilje u gjet një armë zjarri pistoletë. Arma dhe automjeti u sekuestruan në cilësinë e provës materiale.
Materialet procedurale i janë kaluar Prokurorisë për veprime të mëtejshme.
