Një aksident spektakolar është regjistruar pas mesnate në qytetin e Sarandës. Një automjet tip “Chevrolet” me targa greke HNZ 4022 ka humbur kontrollin në rrugën “Lefter Talo”, përballë një hoteli, duke u përplasur me një shtyllë elektrike dhe më pas duke përfunduar i përmbysur në mes të rrugës.
Fatmirësisht, nga ngjarja nuk pati persona të lënduar, por makina pësoi dëme të konsiderueshme materiale.
Në vendngjarje mbërritën menjëherë shërbimet e policisë, të cilat kryen testin e alkoolit ndaj drejtuesit të mjetit, Aleksandro Gunella, 18 vjeç. Nga matjet, i riu rezultoi me 0.58 mg/l në testin e parë dhe 0.62 mg/l në të dytin.
Policia e arrestoi 18-vjeçarin në flagrancë për drejtim mjeti në gjendje të dehur, ndërsa po vijojnë hetimet për zbardhjen e plotë të rrethanave të aksidentit.
