Një konflikt mes tre personave ka ndodhur mëngjesin e sotëm në lagjen nr. 15 të qytetit të Durrësit, pranë një pike karburanti. Gjatë përplasjes, njëri prej tyre ka qenë i armatosur dhe ka goditur një tjetër me qytën e pistoletës. Të dëmtuarit janë transportuar në spitalin rajonal, ku kanë marrë ndihmën mjekësore dhe ndodhen jashtë rrezikut për jetën.
Policia ka ndërhyrë menjëherë në vendngjarje dhe ka shoqëruar personat e përfshirë, ndërsa hetimet për zbardhjen e plotë të konfliktit vijojnë. Sipas burimeve paraprake, shkak për përplasjen janë bërë motive të dobëta, por ende nuk janë dhënë detaje të plota mbi natyrën e konfliktit.
