Të shtëna me armë zjarri janë regjistruar pak momente më parë pranë mbikalimit të Rinasit.
Burime për JOQ ALBANIA bëjnë me dije se një person ende i paidentifikuar ka qëlluar me armë silenciator në drejtim të një makine.
Si pasojë e të shtënave një person ka mbetur i plagosur por ende nuk dihet gjendja e tij.
Policia dhe ambulanca kanë mbërritur menjëherë në vendngjarje, priten detaje të tjera.
Njoftimi i policisë:
Vorë/Informacion paraprak Rreth orës 13:50, tek mbikalimi i Domjes, gjatë një konflikti për motive të dobëta dyshohet se është plagosur me armë zjarri në këmbë shtetasi F. A., rreth 25 vjeç, i cili ndodhet në spital, jashtë rrezikut për jetën si dhe është dëmtuar dyshohet me sende të forta shtetasi G. L., rreth 22 vjeç, i cili po merr mjekim në spital, jashtë rrezikut për jetën. Shërbimet e Policisë kanë ngritur pika kontrolli në hyrje/dalje të kryeqytetit dhe vijojnë kontrollet në zonë e në ambiente të ndryshme, për kapjen e autorit/ve. Ndërkohë, është ngritur një grup i posaçëm hetimor, i cili, nën drejtimin e Prokurorisë, po punon intensivisht për sqarimin e rrethanave dhe dokumentimin ligjor të rastit.
