Pas kaosit të krijuar ditën e djeshme, Autoriteti Rrugor Shqiptar (ARRSH), në bashkëpunim me Policinë e Shtetit, ka njoftuar ndryshime në planin e menaxhimit të trafikut në autostradën Tiranë–Durrës, për shkak të punimeve rehabilituese në segmentin nga Vorë deri te ura e Dajlanit.
Sipas Ministrisë së Infrastrukturës dhe Energjisë, ndërhyrjet për riparimin e shtresave asfaltike do të zhvillohen gjatë orëve të natës, nga ora 23:00 deri në 06:00 të mëngjesit, duke nisur nga nata e 14 tetorit.
Në këtë interval orar do të ketë bllokim të përkohshëm të qarkullimit në drejtimin Vorë–Durrës, në këto segmente:
Punimet në çdo segment do të zgjasin 1 deri në 2 ditë, në varësi të kushteve atmosferike dhe ecurisë së punës.
Gjatë bllokimit, përdoruesit e mjeteve duhet të ndjekin itinerarin alternativ: Vorë – Maminas – Katër Rrugët e Shijakut – Durrës.
Pas përfundimit të ndërhyrjeve në drejtimin Vorë–Durrës, do të vijojnë punimet edhe në krahun tjetër të autostradës, Ura e Dajlanit – Vorë, me të njëjtin plan dhe orar.
