Kombëtarja shqiptare ka mbyllur përgatitjet në prag të miqësores ndaj Jordanisë, që do të luhet në “Air Albania” në orën 19:00. Pas fitores historike ndaj Serbisë, atmosfera në kampin kuqezi mbetet pozitive dhe plot energji.
Në seancën e fundit stërvitore, e zhvilluar në stadiumin kombëtar, trajneri Silvinjo pati në dispozicion të gjithë grupin, një lajm i mirë për stafin teknik që pritet të testojë disa alternativa të reja.
Braziliani do të bëjë disa ndryshime në formacion, duke u dhënë hapësirë futbollistëve që nuk u aktivizuan ose patën pak minuta në sfidën e së shtunës. Miqësorja ndaj Jordanisë shihet si një mundësi për të freskuar ekipin dhe për të vlerësuar opsionet para përballjeve të rëndësishme që e presin Shqipërinë në muajt në vijim.
Kuqezinjtë synojnë të ruajnë ritmin dhe frymën fituese që i shoqëron pas suksesit ndaj rivalit ballkanik, ndërsa tifozët presin një tjetër paraqitje bindëse në “Air Albania”.
