Pas ndalimit të përdorimit të skuterave elektrikë në të gjithë vendin, duket se disa efektivë të policisë nuk kanë humbur kohë për t’i provuar vetë “mjetet e sekuestruara”.
Në një video që ka mbërritur në redaksinë e JOQ Albania, shihet një punonjës policie duke lëvizur me një motor elektrik, shumë e mundur që të jetë një prej atyre që policia ua ka sekuestruar qytetarëve.
Videoja është filmuar nga një qytetar mbrëmjen e sotmen në qytetin e Durrësit.
Me sa duket, efektivi ka vendosur ta çojë personalisht “provën e sekuestruar” drejt komisariatit… në lëvizje!
Ndërkohë, qindra qytetarë që përdorin këto mjete për të shkuar në punë janë lënë pa asnjë alternativë, pasi policia ka bllokuar motorët dhe skuterat, duke u prishur rutinën dhe punën e përditshme.
