Një qytetar ka denoncuar në redaksinë tonë një rast të rëndë shkeljeje të rregullave të qarkullimit rrugor nga një mjet policie, i cili sipas tij ka lëvizur me shpejtësi 100–120 km/h në tunelin e Murrizit, ndonëse limiti në këtë zonë është 60 km/h.
Sipas qytetarit, makina e policisë ka kryer parakalime të rrezikshme edhe mbi vija të pandërprera, duke vijuar me të njëjtën sjellje edhe pas daljes nga tuneli deri në zonën e Tufinës, duke rrezikuar seriozisht jetën e drejtuesve të tjerë të automjeteve.
Qytetari thekson se mjeti nuk kishte sirenat ndezur për të treguar një emergjencë që mund të justifikojë shpejtësinë e lartë dhe shkeljen e rregullave të qarkullimit rrugor.
Ngjarja ngre shqetësime serioze mbi zbatimin e ligjit nga vetë strukturat që duhet ta garantojnë atë, si dhe rrezikun që sjellin veprime të tilla për sigurinë rrugore.
