Një ngjarje e rëndë ka ndodhur mbrëmjen e sotme në aksin Qafë Mali-Fierzë, në afërsi të shkëmbit të Dardhës në Pukë, ku një automjet ka dalë nga rruga dhe ka rënë rreth 300 metra në humnerë.
Si pasojë e aksidentit ka humbur jetën drejtuesi i mjetit, Prendush Kola. Në vendngjarje kanë shkuar menjëherë forcat zjarrfikëse, policia dhe autoambulanca, ndërsa mjeti është gjetur pas kërkimeve nga zjarrfikësit dhe banorët e zonës.
Grupi hetimor po punon për të zbardhur rrethanat e plota të aksidentit tragjik.
Sqarim: Fotoja e përdorur në artikull është ilustruese.
