Një ngjarje e rëndë ka ndodhur rreth orës 11:00 paradite në lagjen 18 të qytetit të Korçës, pranë terminalit të autobusëve. Një 60-vjeçar ka humbur jetën papritur teksa po kalonte në vijat e bardha, duke u rrëzuar pa ndjenja në mes të rrugës.
Ambulanca mbërriti menjëherë në vendngjarje, por fatkeqësisht mjekët nuk mundën të ofronin ndihmë, pasi 60-vjeçari ishte tashmë i pajetë. Sipas të dhënave paraprake, dyshohet se vdekja e të moshuarit ka ardhur për shkaqe natyrale.
Policia ndodhet në vendngjarje dhe ka nisur hetimet për të sqaruar rrethanat e plota të ngjarjes. Trupi i pajetë i të ndjerit pritet t’i nënshtrohet ekspertizës mjeko-ligjore për të përcaktuar shkakun e saktë të vdekjes.
