Qytetarët e Maqedonisë së Veriut pritet të mund të udhëtojnë në Shtetet e Bashkuara të Amerikës vetëm me pasaportë, pa pasur nevojë për aplikim, dokumente shtesë apo intervista për viza.
Kjo çështje është pjesë e Dialogut Strategjik mes Shkupit dhe Uashingtonit, i nisur në qershor të vitit 2022, që ka si synim forcimin e marrëdhënieve dypalëshe dhe krijimin e përfitimeve konkrete për qytetarët.
Sipas Ministrisë së Punëve të Jashtme dhe Tregtisë së Jashtme, institucionet maqedonase po punojnë në grupe të posaçme për t’u përfshirë në Programin për Heqjen e Vizave dhe Programin Global për Hyrje në SHBA. Megjithatë, autoritetet theksojnë se ky mbetet një proces afatgjatë, i cili kërkon kohë dhe bashkëpunim të ngushtë mes dy palëve.
Ndërkohë, Shqipëria është ende shumë mbrapa në këtë drejtim, pa ndonjë proces konkret për heqjen e vizave me SHBA-të, duke lënë qytetarët shqiptarë të varur nga aplikimet e kushtueshme dhe shpesh të ndërlikuara për të marrë vizë amerikane.
