Një aksident i dyfishtë është shënuar mëngjesin e sotëm në aksin rrugor Lushnjë–Berat, pranë fshatit Kashtëbardhë.
Dy automjete, njëra tip Skoda dhe tjetra Audi, janë përplasur ndërsa udhëtonin në të njëjtin drejtim. Si pasojë e përplasjes së fortë, janë plagosur tre persona: një çift bashkëshortësh që ndodheshin në automjetin Audi dhe drejtuesi i Skodës.
Të plagosurit janë transportuar menjëherë në Spitalin Rajonal të Lushnjës, ku ndodhen jashtë rrezikut për jetën.
Sipas të dhënave paraprake, dyshohet se aksidenti është shkaktuar nga një parakalim i gabuar. Policia ndodhet në vendngjarje dhe ka nisur hetimet për zbardhjen e plotë të rrethanave.
