Trajneri i Kombëtares shqiptare, Sylvinho, ka ndarë listën e futbollistëve të grumbulluar për dy ndeshjet e muajit tetor. Sfida më e nxehtë është padyshim ajo ndaj Serbisë, në kualifikueset e Kupës së Botës, ndërsa më pas kuqezinjtë do të zhvillojnë një miqësore në “Air Albania” kundër Jordanisë.
Braziliani ka thirrur 25 lojtarë, ku risia më e madhe është Klisman Cake, mbrojtësi i Shkëndijës së Tetovës, i cili vjen pas paraqitjeve të shkëlqyera në Conference League. Ky është debutimi i tij me Kombëtaren e madhe, pas eksperiencës me U-21.
LISTA E PLOTË
Portierë: Thomas Strakosha, Mario Dajsinani, Simon Simoni
Mbrojtës: Elseid Hysaj, Ivan Balliu, Mario Mitaj, Naser Aliji, Ardian Ismajli, Enea Mihaj, Berat Gjimshiti, Arlind Ajeti, Klisman Cake
Mesfushorë: Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Jasir Asani
Sulmues: Armando Broja, Myrto Uzuni, Rey Manaj, Mirlind Daku
Kuqezinjtë do të nisin grumbullimin më 6 tetor në Tiranë, ku do të përgatiten për sfidën historike ndaj Serbisë, e cila do të zhvillohet më 11 tetor, ora 20:45, në stadiumin “Gradski stadion Dubočica” në Leskovac. Tre ditë më pas, më 14 tetor, në orën 19:00, në “Air Albania”, Shqipëria do të presë Jordaninë në një test miqësor.
