Siguria ushqimore në Shqipëri mbetet një pikëpyetje e madhe, pavarësisht se autoritetet përditë na premtojnë standarde “evropiane”. Një rast tjetër që lidhet me këtë çështje është denoncuar nga një qytetar për JOQ Albania, i cili bashkë me shokun e tij ishte duke konsumuar “chicken nuggets” te Burger King në kryeqytet, te qendra Toptani.
Në vend të një vakti të shpejtë dhe “të shijshëm”, dy të rinjtë u përballën me një surprizë tronditëse nuggets-ve ishin gurë të fortë. Njëri prej tyre u detyrua të ndalonte menjëherë ushqimin, ndërsa tjetri madje nisi të vjellë pas konsumimit.
Ky rast ngre edhe njëherë alarmin për nivelin e sigurisë ushqimore në vend. Në një kohë kur restorantet dhe lokalet e mëdha ndërkombëtare reklamohen si shembull i higjienës dhe kontrollit, qytetarët përballen me episode që rrezikojnë drejtpërdrejt shëndetin e tyre.
