Njësitë të policisë kanë zhvilluar mbrëmë një aksion në Podujevë, pas raportimit se në një lokal po zhvillohej bixhoz.
Me të marrë urdhrin e prokurorit dhe pëlqimin e pronarit, njësitet përkatëse kanë kontrolluar lokalin.
Policia bën të ditur se gjatë kontrollit janë gjetur dhe sekuestruar disa pajisje që shërbejnë për veprimtarinë e bixhozit.
“Dy të dyshuarit meshkuj kosovarë, pronari dhe punëtori i lokalit, janë arrestuar dhe pas intervistimit me vendim të prokurorit janë dërguar në mbajtje”, deklaron policia.
Rasti është iniciuar si “Organizim i skemave piramidale dhe bixhozit të paligjshëm”.
