Kjo është rruga hyrëse në Tiranë që përjetojnë çdo ditë qytetarët që vijnë nga zona e Dibrës nëpërmjet Rrugës së Arbrit.
Një investim që kushtoi qindra milion euro, duket se nuk është në standardet e premtuara. Rruga shpesh është hasur me shembje dherash, ndërkohë që qarkullimi në të rëndom është i vështirë për shkak të korsive të ngushta dhe mundësive të pakta për parakalim.
Por tashmë qytetarët janë duke u përballur dhe me një pengesë tjetër të kësaj rruge. Në hyrje të Tiranës në zonën e Kinostudios, rruga është plot me gropa, gjë që krijon trafik të rënduar dhe shpesh bllokim të qarkullimit.
Qytetarët raportojnë se ndërhyrjet për të vendosur disa tubacione kanë dëmtuar rrugën e cila nuk është shtruar ende, pasi punonjësit pasi kanë kryer instalimet nuk kanë marrë masa për nivelimin e rrugës.
Të gjendur në këto kushte, ata kërkojnë të merren masa për zgjidhjen e kësaj problematike që është kthyer në një shqetësim që u ha kohë çdo ditë.
Shkrimi i përket TVA News!
