Një artikull i The Sun ka shkruar në detaje për jetën e vëllezërve Çopja, perandorinë e tyre të trafikimit ndërkombëtar të narkotikëve dhe pasuritë e panunërta nga paratë e drogës.
Vëllezërit kërkohen për trafik ndërkombëtar droge në vendin e tyre pas disa mesazheve të enkriptuara që ofrojnë detaje tronditëse mbi vrasje dhe tentativa vrasjesh.
Nga Grace Macaskill
Në një kodër shqiptare, një restorant qëndron madhështor, i rrethuar nga ullinj dhe hardhi rrushi.
Në fund të një rruge të gjatë e dredha-dredha të gdhendur në peizazhin e ashpër malor, Solis Farm nuk është vetëm një atraksion i njohur turistik, por edhe një arritje e jashtëzakonshme inxhinierike.
Restoranti luksoz në kodër, Solis Farm në Baldushk, Shqipëri
Franc Copja, i fotografuar pas arrestimit nga policia belge në 2023, thuhet se drejtonte gjithë operacionin e drogës së vëllezërve nga një shtëpi në Tottenham
Vëllai i tij, Hajdari, punonte me logjistikën nga Shqipëria
Vetëm 20 minuta nga kryeqyteti i Tiranës, restoranti ka pamje panoramike të pakrahasueshme. Por pavarësisht vendndodhjes së tij të largët, kur The Sun e vizitoi javën e kaluar, siguria dukej jashtëzakonisht e rreptë për një restorant familjar, dhe kamerat e sigurisë mbulonin gjithë shtegun e pjerrët.
Nuk është për t’u habitur kur merr parasysh se ndërmarrja me vlerë shumë-milionëshe thuhet se është ndërtuar mbi mjerimin e tregtisë së pakontrolluar të drogës në Britani.
Disa km larg nga Shqipëria, dy vëllezërit baronë të drogës pas kompleksit drejtonin operacionin e tyre në gjithë Europën nga një vend shumë më i thjeshtë, një shtëpi në Londër.
Në një shtëpi tipike “two-up, two-down” në Tottenham, Franc Copja nuk e lëshonte kurrë telefonin nga dora, duke drejtuar një ushtri “gjeneralësh” që ndiqnin çdo urdhër të tij, duke shkaktuar mjerim, kaos dhe vrasje
Ai i kalonte ditët duke telefonuar kontaktet e drogës në Amerikën e Jugut, përpara se të organizonte pagesa për doganierë të korruptuar dhe punëtorë portesh për të futur miliona paund kokainë në Britani, pjesa më e madhe e saj e fshehur në karroca kuajsh.
Me më shumë britanikë se kurrë që thithin kokainë, dhe me çmimet në Mbretërinë e Bashkuar dyfish sa në kontinent, Çopja dhe vëllai i tij po aq i famëkeq, Hajdari, e kishin tregun të siguruar.
Por gjithçka u shemb kur 50 kg kokainë u zhduk përpara se të mbërrinte në bazën e tyre në Tottenham, duke ndezur një luftë vdekjeprurëse droge.
Ekzekutimi i trefishtë
Narkotikët e zhdukur çuan në një armiqësi me një bandë rivale shqiptare që la katër të vdekur, dhe përfshiu një armik të ekzekutuar në mes të ditës në një atentat që tronditi Belgjikën.
Franc Copja, 33 vjeç, u arratis nga Londra për në Dubai pas vrasjes dhe u ekstradua në Belgjikë në 2023.
I trembur nga fati i të vëllait, Hajdari, 40 vjeç, besohet se është në arrati nga Dubai, ku jetonte pranë Francit në një vilë. Burimet thonë se ai mund të fshihet me kontakte të drogës në Amerikën e Jugut
Ndërsa një tjetër shqiptar vritet në Londër, The Sun heton bandat e pamëshirshme të narkotrafikut që po zhvillojnë një betejë të përgjakshme për të kontrolluar tregun e drogës në Mbretërinë e Bashkuar.
Vëllezërit kërkohen për tre vrasje dhe trafik ndërkombëtar droge në vendin e tyre dhe dëshmitari i prokurorisë i përket bandës rivale që hodhi dritë mbi operacionin e tyre në MB.
Një burim na tha: “Është vërtet material shpërthyes. Asnjëherë nuk ka pasur një pasqyrë të tillë se si bandat shqiptare drejtojnë operacionet e tyre në Britani.”
“Ata paguanin zyrtarët në porte dhe fitonin miliona. Ata pastronin paratë në Shqipëri përmes ndërmarrjeve ‘të respektuara’ të biznesit, por tani perandoria e tyre është gati të shpërthejë.”
Në Shqipëri, prokurorë të posaçëm antikorrupsion në një organizatë të njohur si SPAK kanë sekuestruar pasuri që u përkisnin vëllezërve, të cilët u bënë aq të fuqishëm sa diktonin çmimin e kokainës në të gjithë Europën.
Këtu përfshihen 10 milion £ në kriptomonedhë, toka, vila, kompani dhe llogari bankare.
Pasuritë përfshinjnë edhe Solis Farm në fshatin Baldushk. Kur shkuam për të parë restorantin, vetëm një Mercedes elegant ishte jashtë dhe po ruhej nga një “kujdestar”.
Banorët vendas treguan se si ata ishin punësuar për të kujdesur për fushat e mëdha me ullinj, ndërsa rrushi i papjekur po kalbej në hardhi.
Një distancë e shkurtër me makinë në kryeqytet, katër apartamente luksoze që besohet se i përkisnin vëllezërve gjithashtu janë sekuestruar.
Atje, banorët e pasur me makina sportive shijojnë luksin e një pishine të përbashkët. Flamuj shqiptarë, britanikë dhe amerikanë valëviten mbi shtylla.
Alarmante, vëllezërit ishin mjaft të guximshëm për të vepruar në sheshin e plotë të autoriteteve, duke investuar para në një vilë të quajtur Gjuta, vetëm 500 hapa larg zyrës së Kryeministrit të vendit, Edi Rama.
Endrit Alibej ishte një nga viktimat e një ekzekutimi trefish dhe u vra pasi u qëllua me një breshëri plumbash Kalashnikov
Arben Dylgjeri ishte viktima tjetër që vdiq në ekzekutimin në fshatin Bradashesh në qendër të Shqipërisë në 2018
Autoritetet thonë se gjithçka që zotërojnë do të konfiskohet nga shteti dhe më pas do të shitet në ankand nëse shpallen fajtorë.
Vëllezërit nisën karrierën kriminale në qytetin e Elbasanit, një qytet në Shqipëri i njohur për dhunën.
Ata filluan me shitje të vogla droge në Itali në 2006-ën, thonë prokurorët e SPAK, por shpejt zgjatën operacionet në Belgjikë dhe Holandë, si dhe në MB, duke u vendosur në Tottenham.
Thuhet se ata paguanin stafet e portit për të kaluar kamionë dhe rimorkio të ngarkuara me drogë.
SPAK, prokurorët Altin Dumani dhe Vladimir Mara thanë për bandën: “Kishte kapacitetin për të ndikuar drejtpërdrejt çmimin e kokainës në tregjet europiane dhe për të menaxhuar sasi të mëdha narkotikësh në periudha të shkurtra.”
Breshëri plumbash dhe ekzekutime
Por gjithçka u bë e qartë për vëllezërit Copja pasi Franci u zhvendos në Britani dhe 50 kg kokainë u zhdukën.
Kjo shkaktoi një përplasje me një bandë rivale, familjen Alibej, ku secili fajësonte tjetrin për vjedhjen e drogës.
Prokurorët shqiptarë pretendojnë se vëllezërit morën hakmarrje me një ekzekutim trefish.
Endrit Alibej, Arben Dylgjeri dhe shtetasi turk Erdal Durunay vdiqën në Range Rover-in e tyre kur u qëlluan me një breshëri plumbash Kalashnikov në fshatin Bradashesh në qendër të Shqipërisë në 2018.
SPAK gjithashtu beson se Franc Copja ishte personi pas vrasjes me kontratë të kreut të klanit Alibej, Ardi Spahiu, në Belgjikë.
Në një krim që tronditi vendin, Spahiu sapo kishte dalë nga një kafe në nëntor 2020 kur u qëllua me 18 plumba. Ai u godit tetë herë.
Thuhet se vëllezërit më pas morën pjesë në 14 goditje të tjera ose tentativa ndaj rivalëve, thonë zyrtarët shqiptarë.
Ndërsa numri i viktimave u rrit, anëtarët e bandës Alibej u kthyen në bashkëpunëtorë të drejtësisë, dhe tani vëllai i viktimës Endrit është dëshmitari kryesor në rastin kundër Copjas.
Erion Alibej i tha një gjykate në Shqipëri se si u rekrutua nga dy vëllezërit për të udhëtuar në Londër sepse vëllai i tij i madh, Endrit, u kishte borxh drogë.
Alibej, i transportuar fshehurazi në Londër në një kamion, përshkroi se si Franc drejtonte të gjithë operacionin e drogës nga një shtëpi në Tottenham.
Hajdar punonte me logjistikën nga Shqipëria.
Ai tha: “Insistova të shkoja në Angli për të punuar sepse Endriti kishte borxhe dhe unë doja t’i ndihmoja t’i paguanim. Shkova me kamion. Në Angli shkova në shtëpinë e Franc Copja-s, i cili jetonte në Tottenham, dhe ai kontrollonte punën përmes telefonit. Fillimisht qëndrova me një xhaxha sepse ai kishte një ide se çfarë pune do bëja.”
