Një video shqetësuese ka mbërritur në redaksinë e JOQ Albania, ku shihen pamje të dhunës së ushtruar nga një baba ndaj vajzës së tij në bulevardin “Zogu i Parë”, në Tiranë.
Në video, burri shihet teksa e godet me shuplakë vajzën dhe më pas e tërheq prej krahu, ndërsa pranë tyre qëndron edhe një person tjetër, i cili nuk ndërhyn. Nga audio dëgjohet qartë babai që e paralajmëron të bijën: “Mos të shoh më në bulevard, në bulevard s'ke më punë!”
Ngjarja është veçanërisht shqetësuese, pasi akti i dhunës ndodh hapur në mes të rrugës.
Deri tani nuk ka një reagim zyrtar mbi identitetin e personave apo mbi rrethanat e incidentit.
