NJOFTIM: Vende vakante për gazetarë nga rrethet!

Po të kërkojmë ty!

Nëse je gazetar nga rrethet që zemra të rreh me pulsin e qytetit ku banon, sheh ç’ndodh në çdo cep, e s’ta heq kush kamerën e telefonit nga dora, atëherë ka ardhur koha të bëhesh pjesë e ekipit të JOQ Albania.

Cilat janë detyrat e tua:

• Do raportosh për gjithçka ndodh aty ku jeton. Nisur nga hallet e qytetarëve, tek aksidentet, nga problemet me bashkinë e deri tek gëzimet e lagjes.
• Do shkruash lajme të shkurtra e të qarta, që populli t'i lexojë e kuptojë qartazi, pa filozofi.
• Do jesh sytë dhe veshët e JOQ në qytetin tënd.

Çfarë duhet të kesh për t'u kualifikuar:

• Pasionin për lajmet dhe syrin kritik për të kapur çdo gjë.
• Dëshirën për të zgjidhur hallet e qytetarëve.
• Të jesh aktiv, i shpejtë, i drejtë dhe jo zar i politikës.
• Duhet të zotërosh gramatikë të përsosur.

Përpos gazetarëve të Tiranës, të ftuar janë të gjithë gazetarët e rretheve të Shqipërisë, për të aplikuar nëse mendoni se ky pozicion i përshtatet profilit tuaj. Punën mund ta kryeni edhe nga divani i shtëpisë suaj, full apo part time.

Nëse mendon se i plotëson kriteret, të ftojmë që zëri yt dëgjohet nga e gjithë Shqipëria.

Apliko duke dërguar CV-në tënde dhe një letër motivimi pse duhet të punosh me ne, në adresën e emailit: [email protected] ose në numrin tonë në WhatsApp: +355699299998.

Afati i fundit për të dorëzuar aplikimin tuaj është data 10 Tetor.

Suksese!