Pamjet vijnë nga qyteti i Durrësit, aty ku vetëm disa javë më parë një ngjarje tragjike ndodhi, ku një burrë, baba i tre fëmijëve humbi pasi preku një shtyllë elektrike e cila instalimet i kishte të zbuluara.
Edhe pse po bëhet një muaj, situata në Durrës duket po njëlloj dhe as që ka ndryshuar fare për t’u përmirësuar. Në pamje duket një kabinë elektrike e cila është me derë të hapur. Kjo ndodhet pikërisht te stadiumi i qytetit, në afërsi të një shkolle ku çdo ditë kalojnë me qindra fëmijë.
Askush nuk ka marrë masa për të izoluar ose mbyllur, dhe ajo prej kohësh qëndron e hapur, në pritje të “viktimës” së radhës që nga një pakujdesi e momentit mund të humbë jetën.
Pyetjet që ngrihet janë fare elementare: Kaq e mbaruar është bashkia e Durrësit dhe OShEE që nuk izolojnë dot një kabinë kaq të vogël? Kur do të merren masa për sistemimin e instalimeve në të gjithë qytetit? Dhe sa persona duhet të flijohen për papërgjegjshmërinë e disa institucioneve?
Shkrimi i përket TVA News!
