Ky është 28 vjeçari që humbi jetën në aksidentin tragjik në Suharekë

Shkruar nga: B Hasi | Publikuar më: 29.09.2025, 09:54

Një aksident trafiku me pasojë fatale ka ndodhur mbrëmjen e së dielës në rrugën Prizren–Prishtinë, në segmentin e njohur si Qafa e Duhles në Suharekë.

Nga përplasja mes një veture të tipit BMW 318i, që drejtohej nga Florim Tahiri rreth 35-vjeçar dhe një autobusi Neoplan, ka humbur jetën në vendngjarje pasagjeri Erik Ferati rreth 28-vjeçar.

Përveç viktimës, tre persona të tjerë kanë mbetur të lënduar: Altin Hajredini rreth 25-vjeçar – me lëndime të rënda, ndodhet në Spitalin e Prizrenit. Erion Ferati rreth 25-vjeçar – me lëndime të lehta. Florim Tahiri rreth 35-vjeçar– shoferi i veturës, me lëndime të rënda, është transferuar për trajtim në QKUK, Prishtinë.

Në vendngjarje kanë dalë njësitë policore dhe prokurori kujdestar, i cili ka urdhëruar ndalimin e shoferit të dyshuar për 48 orë. Trupi i pajetë i viktimës është dërguar në IML për autopsi.

Burimet bëjnë me dije se në veturën e aksidentuar janë gjetur shishe birre, ndërsa hetimet për rastin janë duke vazhduar nën udhëheqjen e Prokurorit të Shtetit.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
JOQ Sondazh
KLIKO PËR TË VOTUAR
Më të Lexuarat
Shkarkoni aplikacionin JOQ ALBANIA në platformat
Më të fundit