Manchester United nuk po arrin të gjejë ritmin e duhur këtë sezon, teksa “Djajtë e Kuq” pësojnë humbjen e tretë pas gjashtë javësh në Premier Ligë. Për javën e 6, Brentfordi triumfoi me rezultatin 3-1, duke e thelluar krizën e skuadrës.
Ndeshja u hap shpejt nga vendasit: Igor Tiago kaloi Brentfordin në epërsi që në minutën e 8, pas asistit të veteranit Henderson. Vetëm 12 minuta më vonë, Tiago shënoi golin e dytë, duke ndezur festën në stadiumin e Brentfordit.
Manchesteri u përpoq të reagojë dhe në minutën e 26 Benjamin Šeško shënoi golin e parë për “Djajtë e Kuq”, por ishte e qartë se pikët nuk do të shkonin për mysafirët. Bruno Fernandes gaboi nga penalltia për herë të dytë këtë sezon në minutën e 76, duke humbur mundësinë për të barazuar rezultatin.
Në minutat shtesë, një gabim i Mainu në pasim i dha mundësinë Brentfordit të kundërsulmoi. Pasimi final i Jarmoljuk u shfrytëzua nga Jensen, i cili me vetëm gjashtë minuta në fushë shënoi një gol fantastik nga jashtë zone në minutën e 96, duke vulosur fitoren e vendasve.
Pas eliminimit të hershëm nga Kupa e Ligës ndaj Grimsbit, Manchester United e sheh veten në një situatë të vështirë edhe në kampionat: tre humbje, dy fitore dhe një barazim pas gjashtë javësh, duke zënë vendin e 13 me shtatë pikë. Po me shtatë pikë, Brentfordi renditet në vendin e 11.
