Shoferi i biznesmenit italian të vrarë në Salari të Tepelenës pak pas mesnate, ka dëshmuar për uniformat blu se si ka ndodhur ngjarja e rëndë.
Mësohet se italiani Edoardo Sarchi udhëtonte me automjet bashkë me disa persona të tjerë. Sipas informacioneve paraprake dhe dëshmisë së shoferit, një person u doli përpara makinës dhe ngriti dorën për ta ndaluar dhe në atë moment autori ka hapur zjarr duke qëlluar shtetasin italian.
Autori i dyshuar i vrasjes është identifikuar si Gazmend Braçe. Policia ka ngritur disa postblloqe në zonë për kapjen e tij.
