Një qytetar ka denoncuar me një video situatën e rrezikshme të punëtorëve të ujësjellës-kanalizimeve në Bashkinë e Vorës.
Në mesazhin që ka dërguar, qytetari shkruan: "Mirmbrëma. Desha ta ndaj me ju vuajtjet e punëtorëve të Bashkisë Vorë, ujësjellës-kanalizimeve".
Në video shihet një punëtor i moshuar i cili është futur pa asnjë masë mbrojtëse, duke u zhveshur nga lart dhe duke punuar brenda një pusete me ujë që arrin nivelin rreth 1.6 metra. Pamjet tregojnë rrezikun serioz që i kanoset shëndetit dhe jetës së punonjësit, si dhe mungesën e përkujdesjes dhe respektit për masat minimale të sigurisë nga institucioni përgjegjës.
Ky rast ngrit shqetësime për sigurinë në vendin e punës, veçanërisht kur bëhet fjalë për punë të rrezikshme me ujë dhe hapësira të mbyllura. Autoritetet lokale ende nuk kanë reaguar për këtë denoncim, ndërsa qytetari kërkon ndërhyrjen e inspektoratit të punës dhe institucioneve përkatëse për të parandaluar aksidente të mundshme.
