Familjarët e Elkrist Kolës, 22 vjeç, kërkojnë ndihmën e qytetarëve dhe institucioneve për gjetjen e të riut, i cili ka humbur pa lënë gjurmë që prej datës 13 shtator 2025. Ata kanë humbur kontaktin me të, dhe hera e fundit që është parë ka qenë në fshatin Luf të Pukës. Që nga ajo ditë, nuk dihet asgjë për vendndodhjen e tij, duke krijuar një shqetësim të madh për të afërmit dhe miqtë e tij.
I vëllai i tij, Denis Kola, ka kërkuar ndihmën e shqiptarëve për gjetjen e Elkristit dhe ka apeluar për veprime të menjëhershme nga organet kompetente. Në një video për JOQ Albania, ai theksoi se deri tani nuk ka pasur asnjë hetim konkret nga ana e policisë, duke i bërë apel atyre të rrisin angazhimin dhe të intensifikojnë hetimet për të gjetur vëllain e tij.
Elkristi është përshkruar si i gjatë rreth 1.80 m, me flokë kafe dhe mjekër. Në momentin e fundit që është parë, ai ishte veshur me tuta sportive, atlete të zeza dhe një xhaketë ngjyrë kafe. Ai vuan nga probleme të shëndetit mendor dhe është fizikisht i dobët, gjë që ka bërë edhe më të vështirë lëvizjen e tij. Familja e tij ka apeluar për më shumë angazhim nga autoritetet dhe ka kërkuar hetime më të thella nga policia.
Nëse dikush ka informacion mbi vendndodhjen e Elkrist Kolës, ai mund të kontaktojë familjen e tij në numrin e telefonit 0695775646 (WhatsApp). Ajo që është e sigurt, është se çdo informacion i mundshëm mund të bëjë një ndryshim të madh në këtë çështje të rëndësishme.
“Përshëndetje si jeni? Unë quhem Denis Kola dhe jam vëllai i Elkrist Kolës që ka humbur që prej datës 13 shtator. Para disa ditësh kam bërë një video te JOQ për të kërkuar ndihmën e shqiptarëve për gjetjen e vëllait tim, kush ka parë apo kush ka ndonjë informacion. Sot po bëj këtë video, apel për policinë dhe organet kompetente sepse nga ana e tyre nuk kemi asnjë informacion, asnjë hetim konkret. Ky nuk është as rasti i parë as i vetëm, por një gjë është e sigurt se po të ishte një turist i humbur do ishte ngritur e gjithë struktura policore, ndërsa kur bëhet fjalë për një qytetar të thjeshtë ka shumë pikëpyetje. Iu bëj thirrje organeve kompetente, policisë të thellojnë hetimet sepse unë iu kam shprehur dyshimet e mia, shpresoj që policia të angazhohet. Për qytetarët e thjeshtë nëse shikoni vëllain tim, më njoftoni ose mua ose redaksinë”,shprehet i vëllai për JOQ.
