Juljan Shehu po kalon një moment magjik në karrierën e tij, duke u kthyer në figurën kyçe të Vidzev Łódź. Mesfushori i Kombëtares shqiptare u bë protagonist absolut në përballjen dramatike të Kupës së Polonisë kundër Termalikës.
Mjaftuan vetëm 30 minuta për të marrë në dorë fatin e sfidës. Në minutën e 91’, Shehu u shfaq aty ku duhet, duke shënuar golin e barazimit dhe duke ringjallur shpresat e skuadrës së tij. Me instiktin e një goleadori të lindur, ai e çoi ndeshjen në shtesë, aty ku gjithçka mbeti pezull deri në lotarinë e penalltive.
Në momentin më delikat, kur duhej dora e hekurt e një lideri, 27-vjeçari kuqezi mori përgjegjësinë e goditjes së fundit. Ai nuk gaboi dhe i dhuroi Vidzevit kualifikimin e shumëpritur, duke vulosur një performancë për t’u mbajtur mend.
Pas ndeshjes, Shehu u shfaq modest, duke theksuar frymën e skuadrës:
“Nuk ka rëndësi kush shënon. Jam i lumtur që siguruan kualifikimin. Edhe pse nuk isha në formë optimale, trajneri më aktivizoi për ta ndryshuar ndeshjen dhe ia dolëm me meritë.”
