Kompania fituese u shpall FIRST, në pronësi të Gëzim Hoxhës, e cila siguroi kontratën me një ofertë prej 139,999,999 lekë pa TVSH, ose rreth 1.7 milionë euro me TVSH. Kjo ofertë përfaqëson rreth 93% të fondit limit. Tenderi u zhvillua në procedurë të hapur, por ka pasur vetëm një pjesëmarrës, kompania që rezultoi fituese. Kjo mungesë totale konkurrimi ngre dyshime serioze mbi transparencën e procesit, si dhe mbi mënyrën e zhvillimit të procedurës.
Afërsia e çmimit fitues me fondin limit shton edhe më tej shqetësimet për mungesën e garës reale. Pavarësisht vlerës së lartë të kontratës dhe pyetjet që janë ngritur në opinionin publik, deri më sot nuk është marrë asnjë masë nga SPAK për të hetuar Mirlindën e AKSHI-t. Mungesa e hetimeve të thelluara nga autoritetet përkatëse, përfshirë SPAK-un, mund të ndikojnë negativisht në besimin e qytetarëve ndaj integritetit të procedurave të tenderëve publikë.
