Ke një punë normale dhe fiton rreth 90,000 lekë në muaj. Nuk është shumë, por as pak, është mesatarja.
Nëse nuk ke shtëpi, qiraja e një apartamenti të vogël me 1 dhomë e kuzhinë në Tiranë është rreth 40,000–50,000 lekë. Nëse ke një makinë me këste, paguan rreth 15,000–20,000 lekë në muaj. Shto sigurimin, taksat dhe karburantin, edhe rreth 10,000 lekë të tjera.
Për ushqim shpenzon rreth 20,000–25,000 lekë, mes blerjeve në market dhe ndonjë darke jashtë. Faturat, telefoni dhe shpenzimet e tjera për veshje janë rreth 15,000 lekë.
Në total shkon rreth 90,000–95,000 lekë. Dhe ende nuk ke fëmijë, nuk ke shkuar pushime, nuk ke bërë ndonjë kënaqësi për vete, nuk ke pasur ndonjë emergjencë. Në fund, pothuajse asgjë nuk të mbetet, dhe çdo muaj nis nga e para.
