Ditën e sotme, më 23 shtator, Këshilli Bashkiak i Tiranës po zhvillon një mbledhje ku pritet të diskutohet dhe të merret vendimi për shkarkimin e kryebashkiakut Erion Veliaj.
Disa këshilltarë bashkiakë, mes tyre Joleza Koka, Aldo Merkoci dhe Gazment Paja, kanë refuzuar të marrin pjesë në mbledhje, duke kundërshtuar urdhrin e kryeministrit Edi Rama.
Në sallën e mbledhjes mungon edhe kryetarja në detyrë e Këshillit Bashkiak, Anuela Ristani, e cila sipas rregullores duhej të ishte e pranishme.
Rikujtojmë se mbledhja drejtohet nga Megi Fino, vajza e ish-deputetit të PS Bashkim Fino, e cila së bashku me Endrit Brahimllarin do të votojnë pro shkarkimit të Veliajt.
