Geraldo Krashi është 26-vjeçari që humbi jetën në aksin rrugor “Katër Rrugët e Shijakut”, në fshatin Pjezë gjatë mesnatës.
I riu ishte duke udhëtuar me një mjet tip 'Ford' kur në rrethana të paqarta u përplas nga një Volkswagen me drejtues shtetasin F.R., 19 vjeç, banues në Shijak.
Për shkak të përplasjes së fortë, 26-vjeçari Geraldo Krashi humbi jetën menjëherë në vendngjarje. Ndërsa drejtuesi i Volkswagen-it, 19-vjeçari F.R., u dërgua në spital për ndihmë mjekësore dhe ndodhet nën mbikëqyrjen e policisë.
Policia njoftoi se në vijim të hetimeve, drejtuesi i Volkswagen-it u arrestua për veprën penale “Shkelje e rregullave të qarkullimit rrugor”, pasi shkaktoi aksidentin fatal.
Autoritetet po vazhdojnë veprimet procedurale për sqarimin e plotë të rrethanave të ngjarjes.
