Një nga më të mëdhatë shqetësime ishte fakti se "CLASSIC" sh.p.k. garoi vetëm me veten e saj, duke e bërë tenderin pothuajse pa konkurrencë. Kompania e drejtuar nga Agron Papuli paraqiti një ofertë prej 6,600,000 lekësh (pa TVSH), e cila ishte vetëm 0.42% më e ulët se fondi limit i tenderit. Ky detaj ngriti dyshime të forta për mundësinë e manipulimit.
Mirë që në këtë tender ka shkelje që brohorasin për të gjithë, veç për drejtësinë jo, por vlen të theksohet se përgjatë viteve ka patur denoncime nga ish- të burgosur që në burgje ka mungesë të mjeteve për ndihmën mjekësore. Kemi dhe të dënuarit që kanë vdekur në burgje, për të cilët familjarët akuzojnë IEVP-të për mungesë të dhënies së ndihmës së parë.
Ky është vetëm një shembull i një morie tenderash të dyshimtë në Shqipëri, ku mungesa e transparencës dhe garës e ka bërë të vështirë të garantohet një proces i drejtë. Ndërsa shkeljet e ligjit për tenderat janë të dukshme dhe të pa ndëshkuara, drejtësia e munguar ka bërë që abuzimet të shtohen. A mund të shpresojmë për një reformë të vërtetë në sistemin e tenderave?
