Një plagosje me armë zjarri ka ndodhur ditën e sotme në qytetin e Vlorës, ku 37-vjeçari Skerdi Mehmetaj nga Selenica, ka shkuar në spital me një plumb të marrë në pjesën e këmbës.
Ai i është nënshtruar kujdesit të mjekëve, ndërkohë që rrethanat e plagosjes së tij janë të paqarta. Nuk dihet ende nëse 37-vjeçari është plagosur nga ndonjë person i paidentifikuar, apo është vetëplagosur aksidentalisht.
Në orët në vijim ai pritet të merret në pyetje nga hetuesit për të zbuluar më shumë rreth dinamikës së ngjarjes.
Në njoftimin për mediat, policia thotë: Sot, në spitalin e Vlorës ka mbërritur për ndihmë mjekësore, i dyshuar i plagosur me armë zjarri në pjesën e kembës, në rrethana ende të paqarta, shtetasi S. M., 37 vjeç, ( Skerdi Mehmetaj Piperi ) banues në Selenicë.
Aktualisht, 37-vjeçari ndodhet nën kujdesin e mjekëve. Grupi hetimor po punon për sqarimin e rrethanave të ngjarjes dhe dokumentimin e plotë ligjor të saj.
