Ish-këshilltari i Wesley Clark, John Duncan, po vazhdon dëshminë e tij në Hagë në rastin gjyqësor ndaj ish-krerëve të UÇK’së.
Duncan iu kërkua nga mbrojtja e ish-krerëve të UÇK’së që ta përshkruante Ramush Haradinajn në luftë. Ai e përshkroi Haradinajn si një karakter të veçantë.
“Ramushi është karakter i veçantë. Ishte si në filmat e Rambos, me vete kishte një emblemë në krah. Të rrinte në sy si personazh, fliste goxha e i dëgjohej zëri shpesh”, deklaroi Duncan.
