Gjykata e Elbasanit ka dhënë masën e sigurisë arrest me burg për 37-vjeçarin, i cili ka kryer marrëdhënie seksuale me vajzën 15-vjeçare të bashkëjetueses së saj.
Gjatë seancës, 37-vjeçari me iniciale B.B ka pranuar aktin duke deklaruar se ka qenë me pëlqimin e vajzës për 4 muaj radhazi.
Por e mitura, kur është pyetur në prani të psikologes dhe efektivëve të polici, ka deklaruar se prej katër muajsh është abuzuar seksualisht nga partneri i të ëmës.
Ndërkohë nga ana tjetër, nëna e vajzës ka dalë në mbrojtje të partnerit, duke akuzuar të bijën për gjithçka që i ka ndodhur. Për momentin vajza e mitur është strehuar në një qendër të viktimave të trafikimit, ndërkohë hetimet vijojnë për zbardhjen e plotë të rrethanave të ngjarjes dhe rolin që ka patur nëna e saj.
