Një tragjedi ka ndodhur këtë të shtunë në një nga shtegët më të frekuentuara turistike të Alpeve shqiptare. Një 49-vjeçar nga Tirana ka ndërruar jetë teksa ishte duke ndjekur rrugën që të çon drejt Syrit të Kaltër, në Theth.
Sipas të dhënave paraprake, dyshohet se shkaku i humbjes së jetës ka qenë një atak kardiak i papritur. Burime bëjnë me dije se 49-vjeçari kishte nisur të vraponte në drejtim të destinacionit të njohur turistik, por papritur është rrëzuar pa shenja jete.
Menjëherë pas njoftimit, një helikopter i Ministrisë së Shëndetësisë është angazhuar për transportimin e trupit të pajetë, duke e nxjerrë nga terreni i vështirë malor.
