Një zjarr i përmasave të konsiderueshme është regjistruar pasditen e sotme në zonën e Spitallës në Durrës.
Pamjet e siguruara nga JOQ Albania tregojnë momentin kur zjarrfikësit mbërrijnë në vendngjarje dhe nisin ndërhyrjen për shuarjen e flakëve. Sipas banorëve të zonës, nga zjarri janë përfshirë dy automjete që ndodheshin brenda një ndërtese, një makinë tip fuoristradë dhe një triçikël. Fatmirësisht nuk raportohet për persona të lënduar.
Shkaqet e zjarrit mbeten ende të paqarta, ndërsa pritet që autoritetet përkatëse të japin sqarime mbi rrethanat e ngjarjes.
“Në Durrës zona e Spitallës. Video është pak më e qartë se kishte shumë tym. Është duke u djegur një makinë foristradë dhe një triçikël. Nuk ka të lënduar,” shkruan një qytetar.
