Një grua e moshuar është parë e vetme në zonën e Freskut në Tiranë, përballë restorantit “Kadri Deliu”. Sipas një vajze që e gjeti aty, zonja nuk mban mend as adresën dhe as shtëpinë e saj.
E reja rrëfen se u përpoq ta ndihmonte duke i blerë ushqime, pasi gruaja nuk kishte ngrënë, por pavarësisht dëshirës nuk mundi të bënte më shumë.
Në një mesazh të dërguar për JOQ, ajo shkruan: “Përshëndetje si jeni? Kjo zonja është e vetme në zonën e Freskut përballë restorant Kadri Daliu. Foton e kam bërë para 20 minutash. I bleva diçka se nuk kishte ngrënë fare dhe e pyeta ku jetonte që ta dërgoja në shtëpi. Nuk e dinte fare. Unë nuk munda ta ndihmoja më tepër. Emrin nuk ma tha, por tha që ka një vajzë e cila jeton në Gjermani.”
Kushdo që mund ta njohë zonjën ose familjarët e saj, lutet të kontaktojë menjëherë që ajo të kthehet pranë të afërmve.
