Një nga demokratët më të përfolur ka shpërthyer me një mesazh të fortë për Gazment Bardhin, kreun e grupit parlamentar të Partisë Demokratike. Përmes një videoje të publikuar në rrjetet sociale, ai dëgjohet teksa e ironizon dhe e vë përballë fjalëve të tij të dikurshme.
Mesazhi është i qartë: “Nëse je humbës, duhet të largohesh, jo të mbash poste!” Sipas tij, njerëz si Bardhi e kanë marrë peng partinë, duke e mbajtur në vendnumëro dhe duke e lënë pa shansin më të vogël për të mundur mazhorancën.
Por ironia nuk mbaron këtu. Demokrati i kujton Bardhit edhe deklaratën e famshme, kur ky i fundit pati thënë publikisht se do të largohej nëse Sali Berisha do të ishte në krye të PD-së. Sot, sipas tij, Bardhi nuk është larguar, përkundrazi, e quan “lëpirës” dhe e akuzon se ka harruar çdo parim për të ruajtur karrigen.
Ky reagim ka ndezur rrjetin, ku shumë demokratë e kanë parë si një pasqyrë të gjendjes reale brenda opozitës.
