Një 46-vjeçar me origjinë shqiptare, banues në Partinico të Italisë, ka përfunduar në burg pasi theu masën e arrestit shtëpiak për tentativë vrasjeje dhe sulmoi në rrugë një 22-vjeçar.
Ngjarja ndodhi më 8 shtator, kur shqiptari doli nga banesa pa leje dhe dhunoi të riun, duke i shkaktuar plagë që u vlerësuan me 30 ditë shërim, raportojnë mediat italiane.
Sipas hetimeve, ai dyshohet se e ngatërroi 22-vjeçarin me një efektiv policie në rroba civile.
Falë ndërhyrjes së kalimtarëve u shmangën pasojë edhe më të rënda, ndërsa autoritetet italiane vendosën që ndaj 46-vjeçarit masa e arrestit shtëpiak të zëvendësohej me burgim.
