Policia e Tiranës ka shpallur në kërkim dy 28 vjeçarë, të identifikuar me inicialet E.Z. dhe E.N., të cilët dyshohet se kanë rrëmbyer për disa orë një 56-vjeçar, për shkak të një konflikti që kishin me djalin e tij.
Sipas informacioneve paraprake, rrëmbimi dyshohet të ketë qenë një akt hakmarrjeje ose presioni, lidhur me një përplasje të mëparshme mes të rinjve dhe djalit të viktimës.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Policia vijon punën për lokalizimin dhe arrestimin e të dyshuarve, ndërsa nuk dihet ende nëse viktima ka pësuar lëndime gjatë mbajtjes peng.
