Një situatë alarmante është krijuar në Lagjen 1 Maj, në Levan të Fierit, ku rrugët janë të mbushura me plehra dhe mbetje të shumta. Banorët e zonës ankohen se ka krijuar një vështirësi të madhe kalimi, pasi mbeturinat janë hedhur pa asnjë mbikëqyrje dhe pastrim, duke bllokuar kështu kalimin e automjeteve.
Kjo situatë ka shqetësuar banorët e zonës, të cilët kërkojnë ndërhyrjen e menjëhershme të autoriteteve lokale. Ata theksojnë se mbeturinat po përbëjnë një burim të mundshëm të ndotjes dhe rrezikojnë shëndetin e qytetarëve, duke pasur gjithashtu mundësi për përhapjen e sëmundjeve.
"Levan, Fier, lagjja 1 Maj: Nuk kalojmë dot sepse na çahen gomat e makinës. Faleminderit", shkruan qytetari. Banorët kërkojnë urgjentisht një zgjidhje nga Bashkia e Fierit, për të pastruar zonën dhe për të vendosur një sistem të qëndrueshëm menaxhimi të mbetjeve.
