Ereledio Shebeku dhe Alma Shebeku, të dy 35 vjeç, janë të shpallurit në kërkim në kuadër të operacionit “Xuex”, që synon goditjen e skemave piramidale online.
Burime zyrtare për mediat bëjnë me dije se një nga të arrestuarat, Brunilda Todi, 38 vjeçe nga Divjaka, është motra e Ereledios.
Në total, gjashtë persona janë arrestuar pas hetimeve të thelluara për aktivitetin mashtrues të firmave piramidale që operonin nëpërmjet platformës online “Xuex”. Të arrestuarit dyshohet se rekrutonin qytetarë dhe i bindnin të investonin në këto platforma fiktive, duke përfituar në mënyrë të paligjshme shuma të mëdha parash.
Personat e tjerë të ndaluar janë: Arbër Çela, 38 vjeç, Emanuel Taullau, 21 vjeç, Flavio Mukaj, 23 vjeç. Marius Kodra, 28 vjeç dhe Brunilda Ndini, 38 vjeçe
Operacioni u shtri në disa qytete, përkatësisht Fier, Tiranë, Dibër, Berat dhe Gramsh. Gjatë aksionit, policia ka sekuestruar shuma të konsiderueshme parash si dhe gjashtë llogari të kriptomonedhave.
Hetimet për identifikimin e organizatorëve vijojnë.
