Një shqiptar nga Kosova ka shënuar një arritje të veçantë duke ngjitur malin më të lartë të Japonisë, Fuji (3776 metra).
Dardan Gashi, 31-vjeçar nga Lipjani dhe me banim në Mynih të Gjermanisë, beson se mund të jetë shqiptari i parë që ka prekur majën e këtij mali ikonë japonez.
Siç rrëfen për JOQ Albania, ngjitja ka qenë një sfidë e vërtetë që ka zgjatur rreth 9 orë në total: 5 orë ngjitje, 3 orë zbritje dhe një orë pushim në majë. Megjithatë, lodhja nuk e ndaloi për të arritur qëllimin e tij.
Nga maja, ai ndau foto ku shihet me bluzën me flamurin kuqezi dhe një kapele me mbishkrimin “UÇK”, duke shprehur krenarinë e tij kombëtare në një mënyrë të veçantë.
Kjo arritje është një shembull frymëzues për të gjithë shqiptarët, duke dëshmuar se me vendosmëri dhe kurajo, kufijtë nuk ekzistojnë.
