Banorët e zonës së “Pallateve Çabej” janë përballur prej kohësh me një situatë të përsëritur e cila po ua bën të vështirë jetën e përditshme. Automjetet e parkuara pa kriter mbi vizat e bardha kanë bllokuar plotësisht kalimin e këmbësorëve.
Sipas denoncimit të ardhur pranë redaksisë, çdo ditë skena është e njëjtë: makinat pushtojnë hapësirën e shënuar për kalim, duke detyruar qytetarët të ecin në mes të rrugës, mes rrezikut të përplasjeve me mjetet në qarkullim.
Ndërkohë, qytetarët kërkojnë ndërhyrjen e institucioneve përgjegjëse, pasi sipas tyre kjo gjendje është kthyer në problem të përhershëm dhe rrezik për fëmijët, të moshuarit dhe këdo që përdor vijat e bardha për të kaluar.
Denoncimi i qytetarit:
Përshëndetje, kemi rënë në hall me këto makina, nuk kalojmë dot rrugën i kanë bllokuar vizat e bardha. Çdo ditë e njëjta situatë te “Pallatet Çabej”.
