Një ngjarje e pazakontë ka ndodhur këtë të enjte në qytetin e Durrësit, ku një autobus urban është përfshirë papritur nga flakët gjatë lëvizjes.
Në pamjet e dërguara pranë redaksisë sonë shihet se shoferi i mjetit, i zënë ngushtë nga situata, ka dalë jashtë dhe ka tentuar të shuajë zjarrin me një shishe uji. Përpjekja e tij, megjithëse e guximshme, është dukur e pamjaftueshme.
Sipas pamjeve, flakët duket se kanë shpërthyer në pjesën e rrotës së prapme të autobusit, ndërsa shkaqet ende mbeten të paqarta. Deri tani nuk raportohet për persona të lënduar.
